quen somos

OS INICIOS:

O Proxecto xurde a partir da necesidade de xóvenes da Comarca do Ribeiro, que ensaian nas instalacións Municipais de Ribadavia, para promocionar ás bandas locais e motivar a máis xóvenes da zona a iniciar ou a unirse a este tipo de proxectos e iniciativas. Unha vez que se crea o local de ensaio na Casa da Cultura de Ribadavia (maio 2009) e que os xóvenes da comarca teñen un lugar onde levar a cabo as súas gravacións, xurde o interese dos mesmos, por formarse en todo o relacionado co audiovisual, para poder dar saída ós seus diferentes proxectos musicais. A partires de aí, e a través de varias reunións cos responsables políticos do Concello de Ribadavia, nace a idea de levar a cabo unha iniciativa xuvenil, gracias ó asesoramento e coordinación do Responsable Técnico da Oficina Municipal de Información Xuvenil de Ribadavia. Dende estes intres, lévanse a cabo reunións dos membros do grupo informal Proxecto Barullo, e empézanse a aunar esforzos para dar forma á iniciativa, dividir as funcións dos distintos membros e cegar a plasmar toda a idea no formato que actualmente presentamos, centrándonos nun proxecto con gran potencial, realista e eficaz e que posibilite promocionar ás bandas locais e xenerar ilusión entre os xóvenes locais para que sigan motivándose a crear, cada vez máis, este tipo de proxectos e a darlle saída e proxección, non só local, senón tamén nacional e Europea.

O PROXECTO MUSICAL:

Este proxecto é unha iniciativa xuvenil, que abarca varios colectivos da Comarca do Ribeiro, co afán de crear un proxecto innovador nun ámbito local concreto e cunha difusión moi potente. O que se pretende en dito proxecto é dar a coñecer toda a música realizada por grupos amateurs das zonas rurais da nosa comarca, promocionando varias expresións musicais contemporáneas que se levan a cabo no periodo que transcurre dende os anos 70 ata a actualidade, na Comarca do Ribeiro, con capital en Ribadavia. Por iso, o proxecto terá un carácter interxeracional, xa que recuperaremos bandas que xa non existen e compartir a súa experiencia con bandas de recente creación, gracias á iniciativa e actividade de Proxecto Barullo.

O proxecto musical será realizado nas instalacións da Casa da Cultura de Ribadavia, onde está situado o estudio de grabación municipal, aproveitando as instalacións e as boas condicións do mesmo. Favorecendo tamén a cooperación do Concello coas entidades sin ánimo de lucro locais.

O proxecto contará coa participación de grupos de música da nosa comarca, aportando cada un (dentro do seu estilo) un tema inédito – incluímos tódolos detalles técnicos en anexos (programa, presuposto de maquetación e distribución, condicións e requisitos das bandas para entrar no proxecto, dereitos de autoría…). Realizaráse tamén un pequeño historial de cada grupo con fotografías dos membros, e vídeo do “Making off” con esceas de gravación e entrevistas, para que vaia todo incluído nun libro-cd-dvd (con textos en galego, español e inglés, para darlle maior difusión ó proxecto). Estará distribuído en tendas de discos, medios gratuítos na rede, e productoras, a través dunha distribuidora, facendo así que o punto forte do proxecto sexa a visibilidade do mesmo, para poder promocionar ás bandas do medio rural ó que pertencemos.